越撈越低

今個九月的股市令人感到絕望， 負面消息和黑天鵝事件不絕。
21日入的2888@86.5已經最低跌到29日@72.25。 PB已到0.5， 所以亦於@72.5再溝貨。 並於30日@74放了。 來緊會做多D短線操作， 將成本降低。
24日入了第一注1128@9.5， 如果繼續跌就再溝貨， 如果到$8、 $6.5、$5就再入貨。
29日入左2333， 買入的原因是1送2，所以趕在除淨日前買入。 @20.2買入，@20.4放，再於@21再入。 今日30日一開市屎忽撞棍爆上20%以上，一開市 @8.1放了1/3，淨低2/3送的紅股冇得放， 其後更爆上@9.5，因為出左國策支持汽車股。 放早左添， 短線操作技術有待磨練。

明燈本色@2888

全倉蟹貨， 眼見通街便宜貨但手上沒有資金， 最痛苦莫過而止。
最終還是忍不住手， 於是第一次動用孖展額。買入落難孖寶5 & 2888。 貪其便宜， 0.8 及0.6 PB既價錢就可以買入銀行股， 長線應該冇得輸吧！
上星期買入5@ $61.5， 今日2888@ 86.5 買入， 息率應有6.3%及 3.7%， 應該夠俾孖展息 。 如果蟹左就當長線持有也沒有問題。 當然要注意孖展倉位， 暫不再入貨，以免太接近平倉線。
今日繼續明燈本色， 一入左2888就傳出和伊朗還有業務往來， 收市前直插落去$85.4。

價值蟹民之路

偽價值投機者總愛挑便宜貨，喜愛抄底股票， 卻抄在半山腰，深跌價值陷阱。 先例有 熔盛重傷、雨潤、渣打⋯比沈大師更明燈，自名沉船大師， 別號 「 沉思」。 希望記錄買賣股票的歷程， 用作日後回顧之用， 如能為他人照明錢路亦是一樁樂事。
一年前， 面對樓價高不可攀， 買樓冇望。 有日收到銀行推廣信用卡借貸的電話， 一萬元的月平息只是$12，心想年利率也不過3厘， 在同類唔使抵押的借貸中算是便宜。 於是提出如能批出500k就同佢借， 分2年24期還。
當時見銀行及內銀股的息率都多過5厘，如用借來的錢買入939及2888都起碼有2厘息差， 每月還款就當月供股票儲錢， 分別有筆錢可立即全數買入。 939嘅息率比較高，7%左右，2888即有5%， 因怕内銀壞賬的問題，無謂將借來的錢放在同一個籃，計劃939及2888都各買一半。
第一注買2888@$135， 以為差不多到底， 卻抄在半腰上， 眼見越跌越多， 越見吸引， 息率和內銀拉近左，越抄越低而不買939了， 最后到@111果注是差不多用晒筆借貸。 2888還是一路向下， 同期939即一路向上。 明燈莫過如此！ 哈哈
最後一注將30k買了2888@103時的長命輪（約2年）17222@0.67， 總算抄到了底部。
經此一役， 以後抄底要注意注碼的控制。
一年後的今天， 2888最低跌到@84，如還全數持有的話，冇左30%本金。
7月股災時， 因轉倉的關係已減持了3/4@118 及17222@0.135，減持原因2888相對於其他股票冇跌太多， 唯有對2888開刀，虧左幾萬。只持有1198股。 
只次轉倉將部份資金由渣打股票戶口轉去IB， 一半買入了1919， 由8月10日停牌至今， 不知今次會變「神船」還是繼續搭沉船⋯